«Արարատ-73». գեղարվետական ֆիլմ՝ լեգենդար թիմի մասին
Աջակցիր «Ա1+»-ինԵրևանի «Մոսկվա» կինոթատրոնում երեկ տեղի ունեցավ կինոռեժիսոր Մհեր Մկրտչյանի նկարահանած «Արարատ-73» ֆիլմի պրեմիերան(Ռեժիսոր՝ Մհեր Մկրտչյան, Գլխավոր պրոդյուսեր՝ Վալերի Սահարյան):
Դրան ներկա էին ֆիլմի ստեղծագործական ողջ կազմը, դերասանները, գլխավոր և ոչ գլխավոր հերոսները, ինչպես նաև արվեստի և մշակույթի գործիչներ և այլք: Բայց գլխավոր հյուրերը հենց «Արարատ-73» լեգենդար թիմի ողջ մնացած ֆուտբոլիստներն էին՝ Էդուարդ Մարգարովը, Սերգեյ Բոնդարենկոն, Նորիկ Մեսրոպյանը, Սերգեյ Պողոսյանը:
«Արարատ 73» սպորտային դրաման նվիրված է «Արարատ» ֆուտբոլային թիմի հաղթանակին և թիմի գլխավոր մարզիչ, խորհրդային ֆուտբոլի լեգենդ Նիկիտա Սիմոնյանի հիշատակին: Վերջինիս գլխավորությամբ՝ «Արարատը» անհնարինը դարձրեց հնարավոր՝ մեկ տարվա ընթացքում դառնալով և ԽՍՀՄ գավաթակիր և ԽՍՀՄ չեմպիոն:
Ֆիլմի հեղինակները նրա օգնությամբ բավական հաջող ներկայացրել են այն ժամանակների Երևանի նիստուկացը, վարքուբարքերը, բայց... մի դրվագում շատ են հեռու գնացել, ինչը բացառվում էր այն ժամանակներում: Խոսքը վերաբերում է խաղադրույքներին, որը ԽՍՀՄ-ում չի եղել մինչև գորբաչովյան «վերակառուցումը»:
Ֆիլմը բավական թեթև է նայվում, քանի որ շատ է հումորը, հատկապես ֆուտբոլային, բայց հեղինակներին հաջողվել է հանդիսատեսին հասցնել գլխավոր միտքը՝ հաղթանակի համար հարկավոր է լինել միասնական, իսկ ֆուտբոլում՝ պայքարել մինչև վերջին վայրկյանը:
