Գերությունից հետո՝  մրցանակ

Մեկ տարի առաջ ես  ռուսական գերության մեջ էի, այսօր  ԵԽԽՎ-ում ստանում եմ  մրցանակ,- իր ելույթում  նշեց   Վացլավ Հավելի անվան մարդու իրավունքների մրցանակի այս   տարվա մրցանակակիրը՝  ուկրաինացի լրագրող  Մաքսիմ Բուտկեւիչը, որը  «Զմինա» իրավապաշտպան կենտրոնի ու «Հրոմադսկե ռադիոյի» համահիմնադիրն է։ Գերեւարվելով և ռուսական ուժերի կողմից դատապարտվելով 13 տարվա ազատազրկման՝ նա ավելի քան երկու տարի անցկացրել է դաժան պայմաններով բանտարկության մեջ։ 2024 թվականի հոկտեմբերին  ազատ է  արձակվել գերիների փոխանակմամբ  ժամանակ։

Վացլավ Հավելի անվան մարդու իրավունքների մրցանակի ընտրող հանձնախումբը, որը պարգևատրում է Եվրոպայում և դրանից դուրս մարդու իրավունքների պաշտպանության ոլորտում քաղաքացիական հասարակության ակնառու գործունեությունը, այսօր հայտարարել է 2025 թվականի մրցանակակրին։ Թեկնածուների եռյակում էին նաեւ  բանտում  գտնվող վրացի լրագրող Մզիա Ամաղլոբելին  եւ ադրբեջանցի լրագրող  Ուլվի Հասանլին։

Վացլավ Հավելի անվան մարդու իրավունքների մրցանակը ամեն տարի շնորհվում է ԵԽԽՎ-ի կողմից՝ Վացլավ Հավելի գրադարանի և «Խարտիա 77» հիմնադրամի հետ համատեղ։ Մրցանակը 60,000 եվրո է, հուշանվեր և դիպլոմ։