A
A
Ծովախոզուկը կծել էր երեխային
Աջակցիր «Ա1+»-ինՍպիտակի ԲԿ-ից հայտնում են․
Օրեր առաջ Սպիտակի բժշկական կենտրոն է ընդունվել 8-ամյա երեխա՝ աջ ձեռքի շրջանում կծած վերք ախտորոշումով։ Ըստ հարազատների՝ երեխայի մատը կծել է ծովախոզուկը ։
Անմիջապես իրականացվել է հակակատաղության պատվաստում, հակակատաղության իմունոգլոբուլին, երեխան ըստ պատվաստումների ազգային օրացույցի ստացել է բոլոր պատվաստումները։ Դեպքից երկու օր անց կենդանին սատկել է, ինչից ելնելով երեխան ստացել է նաեւ հակակատաղության պատվաստման երկրորդ դեղաչափը ։
Շնորհիվ ընտանիքի անդամների աչալրջության ու ժամանակին բուժհաստատություն դիմելու, ինչպես նաեւ բժշկական կենտրոնի պատրաստվածության՝ երեխայի վիճակը բավարար է։
Հարգելի քաղաքացիներ, մեկ անգամ ևս հիշեցնում ենք, որ Առողջապահության նախարարության կողմից բոլոր բժշկական կենտրոնները ապահովված են կատաղության դեմ պատվաստանյութով։
Շան կամ այլ կենդանու կողմից կծելու, ճանկռելու կամ վնասելու դեպքում, եթե որևէ վնասվածք նկատելի չէ—անմիջապես դիմե՛ք ձեր տեղամասային բժշկին, ստացեք անհրաժեշտ բուժօգնություն և խուսափեք հնարավոր բարդություններից ։Անկախ նրանից՝ կծած կենդանին վայրի է թե ընտանի, տուժածը պետք է ստանա անհրաժեշտ պատվաստանյութ ու մասնագիտական բուժօգնություն։
Վերը նշված դեպքը ևս մեկ առիթ է, որպեսզի ազգաբնակչությանը տեղեկացնենք կատաղություն հիվանդության վտանգավորության և անհրաժեշտ հրատապ քայլերի մասին։
Ու չմոռանանք, որ այս տարվա մեջ ունեցել ենք նաև մահվան դեպքեր, իսկ պատճառը եղել է ժամանակին բժշկի չդիմելը և չպատվաստվելը։
