Գերմանացի փորձագետների հետ քննարկվել են երկրաշարժադիմացկուն շինարարության ոլորտում համագործակցության հնարավորությունները
Աջակցիր «Ա1+»-ինՔաղաքաշինության կոմիտեում հյուրընկալել են Գերմանիայից ժամանած երկրաշարժադիմացկուն շինարարության ոլորտի փորձագետներին ու «Միջազգային հրշեջ և փրկարարական համադաշնության» ներկայացուցիչներին։ Հանդիպմանը մասնակցել են նաև «ՀԱՎԱՏԱՄՔ» հիմնադրամի տնօրեն Գայանե Ափինյանն ու Ճարտարապետության և շինարարության Հայաստանի ազգային համալսարանի պրոֆեսոր Մհեր Մարկոսյանը։
Քննարկվել են երկրաշարժադիմացկուն շինարարության ոլորտում համագործակցության հնարավորությունները։
Քաղաքաշինության կոմիտեի նախագահի առաջին տեղակալ Դավիթ Գրիգորյանը և տեղակալ Նունե Պետրոսյանը ներկայացրել են կոմիտեի գործունեության հիմնական ուղղություները՝ ընդգծելով նաև Հայաստանում սեյսմիկ անվտանգության խնդիրների լուծման կարևորությունը։
Հանդիպմանը քննարկվել են Եվրոպական միության և Գերմանիայում գործող քաղաքաշինական նորմերի, հրդեհային պաշտպանության և երկրաշարժադիմացկուն շինարարության ոլորտներում կիրառվող տեխնոլոգիաների, գործող կարգավորումների վերաբերյալ հարցեր։ Դիտարկվել են սեյսմիկ խնդիրների կանոնակարգման գործում Գերմանիայի օրինակը և Հայաստանի հետ փորձի փոխանակման հնարավորությունները։
Գերմանացի փորձագետները նկատել են, որ Քաղաքաշինության կոմիտեն և ոլորտային մասնագետները ստիպված են մի քանի անգամ ավելի բարդ խնդիրներ լուծել՝ հաշվի առնելով, որ Հայաստանը գտնվում է սեյսմիկ ակտիվ գոտում։ Ուստի, երկրաշարժադիմացկուն շինարարության ոլորտում արդյունավետ լուծումների մշակումը նաև միջազգային նշանակություն կունենա։ Պատվիրակության անդամները պատրաստակամություն են հայտնել աջակցելու այս ոլորտում համընդհանուր մարտահրավերների կարգավորմանը։
Քաղաքաշինության կոմիտե
