«Եվրոպական հնագիտության օրեր» ծրագրի ամենամյա աշխատաժովում ներկայացվել են 2023-2024 թթ. հայաստանյան արդյունքները
Աջակցիր «Ա1+»-ինՀայաստանը մասնակցում է Ֆրանսիայի Նիս քաղաքում անցկացվող «Եվրոպական հնագիտության օրեր» ծրագրի ամենամյա աշխատաժովին։
Աշխատաժողովում 2023-2024 թվականների «Եվրոպական հնագիտության օրեր» ծրագրի հայաստանյան արդյունքները ներկայացրել է ՀՀ կրթության, գիտության, մշակույթի և սպորտի նախարարության պատմության և մշակույթի հուշարձանների պահպանության վարչության պետ Հարություն Վանյանը:
Առանձնակի անդրադարձ է եղել միջազգային հնագիտական արշավախմբերի աշխատանքին, մասնավորապես՝ եվրոպական երկրների հետ համատեղ իրականացվող պեղումներին։
Նշենք, որ «Եվրոպական հնագիտության օրեր» ծրագիրը հիմնադրվել է Ֆրանսիայի կողմից և իրականացվում է յուրաքանչյուր տարի հունիս ամսին՝ շուրջ 40 եվրոպական երկրների մասնակցությամբ։ ԿԳՄՍ նախարարության համակարգմամբ՝ Հայաստանը ծրագրին միացել է 2022 թվականին: Դրա շրջանակում կազմակերպվում է շուրջ 20 միջոցառում, որոնց նպատակն է համայնքներին և հանրության ավելի լայն շերտերին իրազեկել հնագիտական ժառանգության մասին և մասնակիցը դարձնել դրանց պահպանությանը։
ՀՀ ԿԳՄՍՆ ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ԵՎ ՏԵՂԵԿԱՏՎՈՒԹՅԱՆ ՎԱՐՉՈՒԹՅՈՒՆ
