Մեկ օրում հանցագործության 116 դեպք, 2 զոհ ճանապարհներին, 28 վիրավոր
Աջակցիր «Ա1+»-ինԸստ ոստիկանության օպերատիվ հաղորդագրությունների ամփոփագրերի՝ մարտի 25-ից 26-ը ՆԳՆ ոստիկանության ստորաբաժանումները բացահայտել են հանցագործության 116 դեպք, որոնցից 4-ը՝ նախկինում կատարված:
Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 31, թմրանյութի հայտնաբերման՝ 14, մարմնական վնասվածք պատճառելու` 11, անձնական ունեցվածքի գողության` 9, ֆիզիկական ներգործության՝ 7, խարդախության ու շորթման՝ 6-ական, հոգեկան ներգործության, գույքը ոչնչացնելու կամ վնասելու, խուլիգանության ու կեղծ փաստաթղթի՝ 3-ական, ռազմական նշանակության ապրանքների մաքսանենգության ու սառը զենքի հայտնաբերման՝ 2-ական, մարդու առևանգման, ապօրինի ձեռնարկատիրական գործունեության, զենք-զինամթերքի առգրավման, ծառերը, թփերը ապօրինի հատելու, փողերի լվացման, աշխատանքի պաշտպանության կանոնները խախտելու, ընդերքի պահպանման և օգտագործման կանոնները խախտելու, խտրականության, ինքնավնասման, կանխամտածված սնանկության, սուտ մատնության ու հրազենի նույնականացման տարրերը կեղծելու կամ ջնջելու՝ 1-ական դեպք։
Նախկինում կատարված հանցագործություններից բացահայտվել է անձնական ունեցվածքի գողության՝ 2, մարմնական վնասվածքի և դրամանենգության՝ 1-ական դեպք։
Հայտնաբերվել է 9 հետախուզվող, կամավոր ներկայացել՝ 2-ը։
Հայտնաբերվել է 1 անհետ կորած։
Գրանցվել է զենք-զինամթերքի կամավոր հանձման 1 դեպք։
Անցած 1 օրվա ընթացքում հանրապետությունում արձանագրվել է զոհերով և մարմնական վնասվածքներով ճանապարհատրանսպորտային 22 պատահար․ 2 մարդ զոհվել է, 28-ը ստացել տարբեր աստիճանի մարմնական վնասվածքներ։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
