A
A
Փրկարարների օգնությամբ ավտոմեքենաները դուրս են բերվել խցանումից
Աջակցիր «Ա1+»-ինՓետրվարի 28-ին, ժամը 14:45-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ծաղկահովիտ գյուղի խաչմերուկում կան խցանված ավտոմեքենաներ․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել է երկու «Vaz» մակնիշի ավտոմեքենա․ տուժածներ չկան, առաջացել է խցանում (մոտ 40 ավտոմեքենա)։
Փրկարարները կարգավորել են երթևեկությունը․ խցանման մեջ հայտնված ավտոմեքենաները շարունակել են ընթացքը։
Փրկարարներն իրականացրել են հերթապահություն՝ մինչ Արագածի ՃՇՇ-ի կողմից ճանապարհի մաքրման աշխատանքների իրականացումը։
