ՀՀ դեսպան Գրիգոր Հակոբյանը հանդիպել է ԻԻՀ հեռահաղորդակցության և տեղեկատվական տեխնոլոգիաների նախարար Սաթթար Հաշեմիի հետ։

 

Քննարկվել են կապի, տեղեկատվական տեխնոլոգիաների, փոստային ծառայությունների ոլորտում երկու երկրների միջև համագործակցության զարգացման և խորացման հնարավորությունները։

 

Զրուցակիցներն ընդգծել են Հայաստանի և Իրանի հանգուցային աշխարհագրական դիրքը՝ Ասիայի և Եվրոպայի միջև համացանցային կապուղիների ապահովման տեսանկյունից։ Անդրադարձ է կատարվել ՏՏ ոլորտի կրթական ծրագրերի շրջանակում համագործակցության և փորձի փոխանակման հնարավորություններին։ Երկուստեք ընդգծվել է փոխադարձ այցերի և հանդիպումների անցկացման կարևորությունը։