Ջերմուկում և Չիվա-Ելփին ավտոճանապարհին մառախուղ է

 Հանրապետության տարածքում կան դժվարանցանելի ճանապարհներ. ՆԳՆ Ոստիկանությունն ու Փրկարար ծառայությունը շարունակում են իրականացնել ուժեղացված ծառայություն։

ՆԳՆ Փրկարար ծառայությունը տեղեկացնում է, որ փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ տանող ավտոճանապարհը:

Վարդենյաց լեռնանցքը դժվարանցանելի է կցորդիչով բեռնատարների համար։

Աշոցքում, Չարենցավանում, Վարդենիսում և «Մեղրու սար» հատվածում ձյուն է տեղում, ճանապարհները կարող են լինել սառցակալած և վտանգավոր։

Ջերմուկում և Չիվա-Ելփին ավտոճանապարհին մառախուղ է,ինչը զգալիորեն նվազեցնում է տեսանելիությունը։

Ներքին գործերի նախարարությունը հորդորում է.

երթևեկել բացառապես ձմեռային անվադողերով,

պահպանել երթևեկության կանոնները

լինել առավել զգոն և ուշադիր։