Սյունիքի մարզում ծեծի է ենթարկվել «Մարիլա» ՍՊԸ-ի տնօրենը․ վիճակը գնահատվում է ծանր

Հոկտեմբերի 30-ին արտակարգ դեպք է տեղի ունեցել Սյունիքի մարզում․ օպերատիվ տեղեկություններ են ստացվել, որ «գլխուղեղի վնասվածք» ախտորոշմամբ «Կապան» բժշկական կենտրոն է տեղափոխվել մի քաղաքացի, ով հայտնել է, որ վնասվածքը ստացել է վայր ընկնելու հետևանքով։ Հայտնում է Shamshyan.com-ը:

Պարզվել է, որ բուժօգնության տեղափոխվածը Սյունիքի մարզի բնակիչ 63-ամյա Ալյոշա Մ․-ն է, ով «Մարիլա» ՍՊԸ-ի տնօրենն է։

Ըստ Շամշյանի՝ նա իր վարորդի հետ հոկտեմբերի 30-ին Վայքում վիճաբանել է Սյունիքի մարզի բնակիչ 31-ամյա Ա․ Փ․-ի հետ, որից հետո վերջինս Սյունիքի մարզի երկու այլ բնակիչների հետ  նույն օրը, ժամը 17։00-ի սահմաններում Կապան քաղաքի Գործարանային փողոցում գործող «Մարիլա» ՍՊ ընկերության դիմաց վիճաբանության է բռնվել Ալյոշա Մ․-ի հետ, որի ժամանակ    Ալյոշա Մ․-ին հարվածել են, նա ընկել է գետնին և գլխով հարվածել քարին:

Նոյեմբերի 1-ի առավոտյան  Ա․ Փ․-ն և վեճի մեկ այլ մասնակից հայտնաբերվել և տեղափոխվել են ոստիկանություն: Ալյոշա Մ-ն ունի գանգոսկրի կոտրվածք,  վիճակը գնահատվում է ծանր: