Ռոդրին՝ Ոսկե գնդակի դափնեկիր

Փարիզում ընթացող «Շատլե» թատրոնում France Football-ի մրցանակաբաշխության գլխավոր մրցանակին արժանացավ Ռոդրին։ Հայտնում է armsport.am-ը։

«Մանչեսթեր Սիթիի» և Իսպանիայի հավաքականի կիսապաշտպան Ռոդրի Էրնանդեսը կարիերայում առաջին անգամ արժանացավ «Ոսկե գնդակի» մրցանակին՝ որպես նախորդ մրցաշրջանի լավագույն ֆուտբոլիստ։

Հավակնորդների թվում էին նաև Վինիսիուս Ժունիորը, Ջուդ Բելինգհեմը և Դանի Կարվախալը (բոլորը «Ռեալ Մադրիդ»)։

Նշենք, որ «Ոսկե գնդակի» մրցանակաբաշխությունն անցկացվում է 1956 թվականից։ Ռոդրին 64 տարի անց առաջին իսպանացի ֆուտբոլիստն է, որը արժանացել է այս մրցանակին․ վերջին անգամ իսպանացիներից այս մրցանակը ստացել էր «Բարսելոնայի» ֆուտբոլիստ Լուիս Սուարեսը՝ 1960 թվականին։ Ընդհանուր առմամբ, Ռոդրին երրորդ իսպանացի ֆուտբոլիստն է, որն արժանացել է «Ոսկե գնդակի» մրցանակին՝ Սուարեսից և Ալֆրեդո դի Ստեֆանոյից հետո։