Բիզնեսը պարտքով են վերականգնել (տեսանյութ)
Աջակցիր «Ա1+»-ինՍանահին կայարան թաղամասում ապրող Դավթյանները հեղեղից մեկ ամիս հետո են միայն կարողացել Դեբեդ գետի մի կողմից մյուս կողմն անցնել ու տեսնել, թե ինչ չափի վնասներ է հասցվել իրենց խանութին:
«Չէինք կարում, գանք տեսնենք ինչ ա եղել: Ինչն էլ, որ կարելի էր փրկել, հողի մեջ փչացել է»,-ասում է Անահիտ Պողոսյանը:
Անահիտ Պողոսյանի խոսքով՝ այստեղ ամեն ինչն էր տակնուվրա եղել, տիղմով պատվել: Խանութում եղած գրեթե ողջ գույքը վնասվել է, իսկ ապրանքն ամբողջությամբ աղբն են թափել:
«Ընդեղ մեծ մսի սառնարան եմ ունեցել, մեջը՝ միս, պանիր, յուղ և այլն, մեծ էր շատ: Ամբողջը շրջել էր, խառնել իրար: Ոնց որ լցնես լվացքի մեքենայի մեջ ու պտտես»,-ասում է Անահիտ Պողոսյանը:
Գումար հայթայթելով ու Ինչ-որ տեղ նաև պարտքով են կարողացել նորից վերականգնել խանութի աշխատանքը:
Մանրամասները՝ Անկյուն+3 ի տեսանյութում
