Շառլ Ազնավուրը կինոյում. ռետրոսպեկտիվ ցուցադրություն

Սեպտեմբերի 7-ին Երևանի Կարապի լճում տեղի կունենա Շառլ Ազնավուրի դերակատարումով ֆիլմերի ռետրոսպեկտիվ ցուցադրության պաշտոնական բացումը արտիստի հարյուրամյակի տոնակատարությունների շրջանակում՝ հրավիրելով հանդիսատեսին միանալու նրա ուշագրավ կինեմատոգրաֆիկ ճանապարհորդությանը:

Այս միջոցառումը կնշանավորի Ազնավուրին որպես դերասան, ով իր կարիերայի ընթացքում նկարահանվել է ավելի քան 90 ֆիլմում։ «Ազնավուր» հիմնադրամի գործադիր տնօրեն Քրիստինա Ազնավուրը և Հայաստանում Ֆրանսիայի դեսպան Ն.Գ. պրն. Օլիվիե Դըկոտինյին հանդես կգան ելույթներով բացման արարողության ընթացքում։

Բացման արարողությունից և ելույթներից հետո տեղի կունենա «Ազնավուրը Շառլի աչքերով» վավերագրական ֆիլմի ցուցադրությունը:

Բացման ֆիլմ՝ «Ազնավուրը Շառլի աչքերով»

Ռետրոսպեկտիվ ցուցադրությունը կմեկնարկի շատ սպասված «Ազնավուրը Շառլի աչքերով» ֆիլմով, որը եզակի վավերագրական ֆիլմ է։ Այն ստեղծվել է Ազնավուրի կողմից մի քանի տասնամյակների ընթացքում նկարահանված նյութերի հիման վրա: Այս խորապես անձնական ​​ֆիլմը հանդիսատեսին թույլ է տալիս զգալ Ազնավուրի կյանքը բեմից դուրս՝ բացահայտելով լեգենդի հետևում կանգնած մարդուն:

Բացման արարողությանը ներկա կգտնվեն ֆիլմի պրոդյուսեր Միշա Ազնավուրը՝ Շառլ Ազնավուրի որդին, և ռեժիսոր Մարկ դի Դոմենիկոն։ Նրանք կկիսվեն անձնական պատմություններով՝ դարձնելով երեկոն անմոռանալի բոլոր ներկաների համար:

Միջոցառման մանրամասները

• Ամսաթիվ՝ 7.09.2024թ
• Ժամ՝ 20։00
• Վայր՝ Կարապի լիճ, բացօթյա ձևաչափ
• Մուտքն ազատ է։

Հրավիրում ենք լրատվամիջոցներին, կինոյի սիրահարներին և Շառլ Ազնավուրի երկրպագուներին միանալ այս հատուկ ռետրոսպեկտիվ ցուցադրությանը:

Միջոցառումը կտևի 4 օր։ Հաջորդ օրերին` նույն ժամին, կցուցադրվեն «Կրակեք դաշնակահարի վրա», «Փարիզը օգոստոսին» և «Հայր Գորիո» ֆիլմերը:

Այս միջոցառումը հազվագյուտ հնարավորություն է ևս մեկ անգամ վայելելու մեծ արտիստի արվեստը, ով հուզել է միլիոնավոր սրտեր ամբողջ աշխարհում: Մուտքն ազատ է։

«Ազնավուրը կինոյում» նախագծի աջակիցներն են ՀՀ-ում Ֆրանսիայի դեսպանատունը և Ֆրանսիական ինստիտուտը։