Սայաթ - Նովայի անվան երաժշտական դպրոցում անձնակազմին է ներկայացվել տնօրենի ժամանակավոր պաշտոնակատարը
Աջակցիր «Ա1+»-ինՆոր փոփոխություններ և ծրագրեր՝ Երևանի Սայաթ-Նովայի անվան երաժշտական դպրոցում
Երևանի քաղաքապետի տեղակալ Լևոն Հովհաննիսյանը քաղաքապետարանի մշակույթի և տուրիզի վարչության պետ Գոշ Սարգսյանի ուղեկցությամբ այցելել է Սայաթ - Նովայի անվան երաժշտական դպրոց և անձնակազմին է ներկայացրել տնօրենի ժամանակավոր պաշտոնակատար Գարիկ Նազարյանին:
«90-ամյա պատմությամբ դպրոցն իր մեծ դերն ունի քաղաքի մշակութային կյանքում: Կրթական գործընթացի բարելավման և զարգացման նոր հնարավորությունների համար համայնքը նախատեսում է բովանդակային փոփոխություններ: Համայնքային ծառայության և մշակույթի ոլորտում պարոն Նազարյանի երկարամյա աշխատանքը, ինչպես նաև մասնագիտական գիտելիքներն ու հմտությունները թույլ կտան վերհանել առկա խնդիրներն ու գտնել արդյունավետ լուծումներ»,-նշել է Լևոն Հովհաննիսյանը:
Քաղաքապետի տեղակալն ընդգծել է նաև, որ հատուկ ուշադրություն պետք է դարձնել թվային տեխնոլոգիաների կիրառմանը:
Այցի ընթացքում քննարկվել են նաև դպրոցի՝ առաջնահերթ լուծում պահանջող խնդիրները, կարիքները: Թեև վերջին տարիներին կրթօջախում իրականացվել են մասնակի նորոգման աշխատանքներ, շենքն այսօր ունի պայմանների ընդհանուր բարելավման, գույքի և երաժշտական գործիքների թարմացման անհրաժեշտություն:
Հիշեցնենք, որ Հեքեքյանը օրերս հրաժարականի դիմում էր ներկայացրել։
