![Screenshot 2024-07-22 202223 Screenshot 2024-07-22 202223](/static/articles/47/60/71/l-xrdhYizldb.png)
Վանաձորում 60-ամյա կինը տան պատուհանները մաքրելիս 5-րդ հարկից վայր է ընկել ու մահացել
Աջակցիր «Ա1+»-ինԵրեկ՝ հուլիսի 21-ին, ողբերգական դեպք է տեղի ունեցել Լոռու մարզում։ Ժամը 19:00-ի սահմաններում ՀՀ ներքին գործերի նախարարության Ոստիկանության Լոռու մարզային վարչությունում օպերատիվ տեղեկություններ են ստացվել, որ Տարոն 2 թաղամասի շենքերից մեկի բակում կնոջ դի կա։
Ինչպես հայտնում է shamshyan.com-ը, նշված վայրում հայտնաբերվել է նույն թաղամասի բնակիչ 60-ամյա Ալլա Ս.-ի դին։
Ըստ նախնական տեղեկությունների՝ մահացածը 5-րդ հարկում հյուրասենյակի պատուհանները մաքրելիս է եղել, երբ անզգուշաբար վայր է ընկել։ Դատաբժշկի նախնական եզրակացության համաձայն՝ արտաքին զննությամբ դիակի վրա բռնության հետքեր չեն հայտնաբերվել, իսկ ձեռքում առկա է եղել պատուհանի ապակիները մաքրելու նպատակով օգտագործված մաքրման կտորը։ Քննիչի որոշմամբ նշանակվել է դիակի դատաբժշկական փորձաքննություն։