Բացել լրահոսը Փակել լրահոսը
A A
Տնտեսություն

Հայաստանյան գինիները՝ Մոսկվայում

Հայաստանյան գինիները՝ Մոսկվայում․ կայացել է ArmWine հայկական գինեգործությանը նվիրված երրորդ ցուցահանդեսը

Մոսկվայում կայացել է ArmWine հայկական գինեգործությանը նվիրված արդեն երրորդ ​​ցուցահանդեսը՝ այս տարի «Սասունցի Դավիթ» հայկական հերոսական էպոսի թեմայով։

ArmWine ծրագրի հիմնադիրների և Հայաստանի խաղողագործության և գինեգործության հիմնադրամի կազմակերպմամբ հուլիսի 7-ին և 8-ին մի հարկի տակ էին հավաքվել գինու փորձագետներ, HoReCa ներկայացուցիչներ, Հայաստանից Մոսկվա ժամանած 28 գինեգործական ընկերությունների հիմնադիրներ ու ղեկավարներ և պարզապես գինեսերներ։

Ցուցահանդեսը զուգորդված է եղել բիզնես ծրագրով՝ բաղկացած ելույթներից և պանելային քննարկումներից, որոնցում անդրադարձ է կատարվել Հայաստանում գինեգործության և խաղողագործության զարգացման տարբեր ասպեկտներին՝ երկրում գինեգործական բիզնես վարելու մոդելներից մինչև առանձնահատկություններ, ռուսական շուկայում հայկական գինիների վաճառք։

Ելույթներով հանդես է եկել նաև Հայաստանի խաղողագործության և գինեգործության հիմնադրամի գործադիր տնօրեն Զարուհի Մուրադյանը։

Ընդհանուր առմամբ ցուցահանդեսին ներկա է եղել ավելի քան 600 հյուր, այդ թվում՝ պրոֆեսիոնալ սոմելիեներ և կավիստներ:

ArmWine-ը հայկական գինեգործությանը նվիրված ամենամյա ցուցահանդես է, որը նախատեսված է Ռուստաստանում և աշխարհում հայկական գինիների ճանաչելիության, ինչպես նաև գինու արտադրության ոլորտի մասնագետների և գինեսերի համար։ Ցուցահանդեսի համակազմակերպիչն է Հայաստանի խաղողագործության և գինեգործության հիմնադրամը։