«ՍոֆթԿոնստրակտ» ՓԲԸ-ն շաբաթօրյակ է իրականացրել «Ջրվեժ» անտառպարկում (տեսանյութ)

Ս․թ․ հունիսի 8-ին Հայաստանի ամենախոշոր ՏՏ ընկերության՝ «ՍոֆթԿոնստրակտ» ՓԲԸ աշխատակիցները 1977թ․ հիմնադրված «Ջրվեժ» անտառպարկում մասնակցել են մասշտաբային շաբաթօրյակի։

Բնության հանդեպ պատասխանատվությունն ու հոգատարությունն ընկերության արժեհամակարգի կարևորագույն ելակետերից է։ 2000-ից ավելի սոֆթեցի բնասերները մաքրել են անտառպարկի 50 հեկտար տարածք, ճանապարհները և լիճը, ինչպես նաև տնկել են տոսախ և արմավաշուշան տեսակի թփատեսակներ։

Ի դեպ, «Ջրվեժ» անտառպարկում աճում են «Կարմիր գրքում» գրանցված հազվագյուտ և անհետացող 21 տեսակի ծառատեսակներ և բույսեր, այդ թվում՝ արևելյան սոսին, հուրանավոր կելրեյթերին:

Չնայած տեղատարափ անձրևին, բնասերներն ավարտին են հասցրել սկսած գործը։ Հավելենք, որ Հայաստանի ամենամեծ ՏՏ ընկերության «Սոֆթ Կոնստակտ»-ի աջակցությամբ «Ջրվեժ» անտառպարկում կտեղադրվեն նաև ժամանակակից նստարաններ և տեսակավորման աղբարկղեր: