----------------------------

ՆԳՆ մամուլի խոսնակ Նարեկ Սարգսյանը «Լուրեր»-ի հետ զրույցում մանրամասներ է ներկայացրել Երևան-Սևան ճանապարհին տեղի ունեցած պայթյունից և ներկա իրավիճակից։

Նա հայտնել է, որ դեպքի վայրում հրդեհաշիջում են իրականացնում  30-ից ավելի մարտական հաշվարկներ։

«Ըստ նախնական տեղեկությունների՝ պայթել է հեղուկ գազի ցիստեռնը և այս պահին էլ կա պայթյունի վտանգ»,- ասել է նա։

 

 

Պայթյունի վայրից, նախնական տվյալներով, հոսպիտալացվել է 5 քաղաքացի

Երևան֊Սևան ճանապարհին տեղի ունեցած պայթյունի հետևանքով նախնական  տվյալներով հոսպիտալացվել է 5 քաղաքացի։

Այդ մասին հայտնում են Առողջապահության նախարարությունից։

---------------------------------------------------------------------------------

Պայթյունի ահազանգ Երևան-Սևան ավտոճանապարհին
Հունիսի 6-ին, ժամը 23:14-ին Ճգնաժամային կառավարման ազգային կենտրոն ահազանգ է ստացվել, որ Երևան-Սևան ավտոճանապարհին՝ գազալցակայանում, տեղի է ունեցել պայթյուն՝ հրդեհի բռնկմամբ։

🚒Դեպքի վայր են մեկնել ՆԳՆ ՓԾ մարզային փրկարարական վարչության և Երևան քաղաքի փրկարարական վարչության հրշեջ-փրկարարական ջոկատներից տասներկու մարտական հաշվարկ և Փրկարար ուժերի վարչության Հրդեհաշիջման և փրկարարական աշխատանքների կազմակերպման բաժնի, Ճգնաժամային կառավարման ազգային կենտրոնի օպերատիվ, Բժշկական ապահովման վարչության հերթապահ խմբերը։

Ըստ նախնական տվյալների՝ կան տուժածներ։

 

Դեպքի վայրում է գտնվում ՓԾ տնօրեն-ՆԳ նախարարի տեղակալ, փ/ծ գեներալ-մայոր Կամո Ցուցուլյանը։