Եթե ժողովուրդը ցանկանա, եւ դա լինի Աստծո կամքը, եւ հայոց Հայրապետը օրհնի, ես ո՞վ եմ, որ ասեմ չէ (տեսանյութ)
Աջակցիր «Ա1+»-ինԲագրատ արքեպիսկոպոս Գալստանյանն այսօր, անդրադառնալով ՀՀ նախկին արտգործնախարար Վարդան Օսկանյանի հայտարարությանը, ըստ որի՝ Սրբազանը պետք է լինի վարչապետի թեկնածուն, պատասխանեց. «Ոչ այդպիսի հավակնություններ ունեցել եմ, ոչ էլ ցանկություն ունեմ, բայց եթե ժողովուրդը ցանկանա, և դա լինի Աստծո կամքը, Հայոց հայրապետն էլ օրհնի, ես ո՞վ եմ, որ ասեմ չէ»։
Անդրադառնալով այն հարցին, թե լուրեր են տարածվում, որ ինքը երկքաղաքացիություն ունի, և չի կարող վարչապետի թեկնածու լինել, Բագրատ արքեպիսկոպոս Գալստանյանը նշեց. «Մի հոգի ասել է՝ ժողովուրդը պետք է Սահմանդրություն գրի, էդ էլ հերթական պոպուլիզմը։ Հիմա ժողովուրդը երբեք Սահմանադրության մեջ ներկայություն չունի, է հիմա, որ ժողովուրդը որոշեց Սահմանադրության մեջ ներկայություն ունենալ և երկքաղաքացի մարդուն ասել՝ ինքը կարող է լինել, ձեր ի՞նչ գործն է, դուք պիտի ընդդիմանա՞ք»։
Բագրատ արքեպիսկոպոս Գալստանյանն ասաց, որ Հայաստանի և Կանադայի քաղաքացիություն ունի։
