Նոյեմբերի 29-ին, ժամը 12։35-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Բերդ քաղաքի Հ. Նահապետի փողոցի տներից մեկի մոտակայքում՝ ավտոճանապարհի հարակից բլրից առկա է քարաթափման վտանգ․ անհրաժեշտ է փրկարարների օգնությունը։

 

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

 

Փրկարարներն իրականացրել են հարկադիր քարաթափման աշխատանք, այնուհետև ընկած քարը հեռացրել ավտոճանապարհի երթևեկելի հատվածից և սահմանազատել տարածքը: