Հայաստանի պատանի 6 շախմատիստ հաղթանակով է սկսել աշխարհի առաջնությունը
Աջակցիր «Ա1+»-ինԵգիպտոսի Շարմ Էլ Շեյխ քաղաքում մեկնարկել է 2023 թվականի շախմատի աշխարհի 8 մինչև 12 տարեկան պատանիների և աղջիկների առաջնությունը:
Հայաստանի շախմատի ֆեդերացիան տեղեկացնում է, որ Հայաստանից առաջնությանը մասնակցում են 12 շախմատիստ.
Դավիթ Մելքոնյան, Աշոտ Ավետիսյան, Արմեն Վարդանյան՝ Մ-8 տղաներ
Դավիթ Ստեփանյան, Մովսես Միլիտոնյան՝ Մ-10 տղաներ
Վաչե Քոչարյան, Արման Հարությունյան, Բենիամին Գասպարյան՝ Մ12 տղաներ
Սոֆիա Բաղրամյան՝ Մ8 աղջիկներ
Նարե Իսախանյան, Անգելինա Ասատրյան՝ Մ10 աղջիկներ
Անի Նահապետյան՝ Մ12 աղջիկներ
Կայացած առաջին տուրում մեր շախմատիստները տարել են 6 հաղթանակ և կրել 6 պարտություն: Տղաներից առաջնությունը վստահ են սկսել Դավիթ Մելքոնյանը, Աշոտ Ավետիսյանը, Դավիթ Ստեփանյանը և Արման Հարությունյանը, աղջիկներից՝ Նարե Իսախանյանը և Անի Նահապետյանը: Այսօր կկայանան 2-րդ տուրի պարտիաները:
Նշենք, որ աշխարհի առաջնությունն անցկացվում է շվեյցարական մրցակարգով, 11 տուրով:
