Հայաստանի Մ-21 հավաքականը պարտվեց նաև երրորդ խաղում. ֆուտբոլի ԵԱ
Աջակցիր «Ա1+»-ինՀայաստանի ֆուտբոլի Մ-21 հավաքականը Եվրոպայի երիտասարդական առաջնության ընտրական մրցաշարի խաղում այսօր հանդիպեց Ռումինիայի այդ տարիքային թիմի հետ:
Բուխարեստում կայացած խաղն ավարտվեց դաշտի տերերի հաղթանակով՝ 2:0: Ռումինացի 21 տարեկան ֆուտբոլիստները երկու գոլն էլ խփեցին անկյունային հարվածի խաղարկումից հետո:
Հայաստանի Մ-21 հավաքականը երրորդ անընդմեջ պարտությունը կրեց և առայժմ միավոր չի վաստակել: Ռումինիայի երիտասարդական թիմը տարավ առաջին հաղթանակը և այժմ 3 միավորով Ֆինլանդիայի և Չեռնոգորիայի հետ բաժանում է 3-5-րդ տեղերը: Մրցաշարային աղյուսակը գլխավորում են Շվեյցարիան ու Ալբանիան, որոնք ունեն 6-ական միավոր:
Հայաստանի հավաքականը հաջորդ խաղը կանցկացնի հոկտեմբերի 17-ին: Մեր թիմն այդ օրը կհյուրընկալի Շվեյցարիային, որը մեկնարկային 2 խաղերում տարել է 2 հաղթանակ:
