Բացել լրահոսը Փակել լրահոսը
tatoyan-himnadram3-580x460
A A
Քաղաքականություն

«Թաթոյան» հիմնադրամը՝ Գեղարքունիքի մարզի գյուղերի հարևանությամբ ադրբեջանական զինված ծառայողների ապօրինի տեղակայումների մասին (տեսանյութ)

«Թաթոյան» հիմնադրամը՝ Գեղարքունիքի մարզի գյուղերի հարևանությամբ ադրբեջանական զինված ծառայողների ապօրինի տեղակայումների մասին

 

Հայաստանի Գեղարքունիքի մարզի գյուղերի հարևանությամբ, այդ թվում՝ Հայաստանի ինքնիշխան տարածքում, ադրբեջանական զինված ծառայողների տեղակայումներն հանցավոր են, դրանք կոպտորեն խախտում են մարդկանց կյանքն ու անվտանգությունը, խաթարել են բնականոն կյանքը։ Այս մասին զգուշացրել էինք դեռ 2021թվականին՝ ադրբեջանական զինված ծառայողների հանցավոր արարքների կոնկրետ փաստերով։ 

Այսօր` 2023թ. մայիսի 11-ին ադրբեջանական զինված ուժերը զինված հարձակումներ են գործել այդ տարածքներից՝ ՀՀ գյուղերի հարևանությամբ, որտեղ ապօրինաբար տեղակայվել ու անօրինական ամրացման աշխատանքներ են իրականացրել։ Այս հանցավոր արարքների հետևանքով վիրավորում են ստացել ՀՀ գյուղերը պաշտպանող ՀՀ զինծառայողներ: