31 մեքենա արգելափակվել էր Գորայք-Զանգեր հատվածում
Աջակցիր «Ա1+»-ինՓետրվարի 21-ին, ժամը 14։50-ին Սյունիքի մարզային ճգնաժամային կառավարման կենտրոն տեղեկություն է ստացվել, որ Գորայք-«Զանգեր» կոչվող հատվածում, մերկասառույցի պատճառով ավտոմեքենաներն արգելափակվել են․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ Սիսիան-Երևան ավտոճանապարհի 38-րդ կմ-ին տեղի է ունեցել ՃՏՊ, կան արգելափակված ավտոմեքենաներ։ Բախվել են «Mercedes-Benz» մակնիշի բեռնատարը (վարորդ՝ Գ․Գ․) և «BMW» մակնիշի ավտոմեքենան (վարորդ՝ Ս․ Ն․), ինչից ավտոճանապարհը դարձել է միակողմանի փակ․ տուժածներ չկան: Փրկարարներն արգելափակումից դուրս են բերել մոտ 31 ավտոմեքենա։
Ավտոճանապարհը երկկողմանի երթևեկելի է։
Նշենք, որ փետրվարի 21-22-ը ՆԳՆ ՓԾ ճգնաժամային կառավարման ազգային կենտրոնում 21 ահազանգ է ստացվել հանրապետության տարբեր տարածքներում արգելափակված ավտոմեքենաների վերաբերյալ:
Մասնավորապես՝ Վանաձոր, Դիլիջան, Սևան, Վարդենիս, Մարտունի, Հրազդան, Աբովյան, Չարենցավան, Ապարան, Թալին քաղաքներում, Կարմրավան, Ծովագյուղ, Ծաղկահովիտ, Գեղադիր, Ֆանտան գյուղերում և Երևան-Սևան, Քուչակ-Ծաղկաշեն, Վարդենիս-Ձորագլուխ ավտոճանապարհներին: Դեպքի վայր ժամանած փրկարարներն արգելափակումից դուրս են բերել 34 ավտոմեքենա և 91 քաղաքացու ցուցաբերել համապատասխան օգնություն:
