Բացել լրահոսը Փակել լրահոսը
A A
Տեսանյութեր

Արցախի Ազգային ժողովի արտահերթ նիստը (տեսանյութ)

Փետրվարի 20-ին հրավիրվել է ԱՀ Ազգային ժողովի արտահերթ նստաշրջան:

Օրակարգում Ազգային ժողովի պատգամավորների նախաձեռնությամբ ներկայացված Արցախի Հանրապետության Ազգային ժողովի հայտարարությունն էր՝ «Արցախահայության ազգային- ազատագրական պայքարի՝ ղարաբաղյան շարժման 35-րդ տարեդարձի վերաբերյալ»:

Նախքան օրակարգի հարցին անցնելը՝ ԱԺ նախագահ Արթուր Թովմասյանը ներկայացրել է շարժման 35-ամյակին նվիրված շնորհավորական ուղերձը:

«Արցախահայության ազգային- ազատագրական պայքարի՝ ղարաբաղյան շարժման 35-րդ տարեդարձի վերաբերյալ» խորագրով հայտարարության տեքստը ներկայացրել է պատգամավոր Արթուր Հարությունյանը:

Այն արժանացել էր գլխադասային հանձնաժողովի հավանությանը:

Մտքերի փոխանակությամբ հանդես է եկել արտաքին հարաբերությունների մշտական հանձնաժողովի նախագահ Վահրամ Բալայանը:

Հայտարարությունը ընդունվել է միաձայն:

ԱՀ ԱԺ լրատվության և հանրության հետ կապերի բաժին

Russian