Խոսրով եպիսկոպոս Անձևացին մեր մեծագույն սրբերից մեկի՝ Գրիգոր Նարեկացու հայրն է, 10-րդ դարի մեր նշանավոր հայրերից է՝ իր աշխարհայացքով, հոգևոր խորքով, աստվածային Խոսքի ծառայությանը հավատարմությամբ, սկզբունքայնությամբ։

 

Այսպես է #Բագրատ_Սրբազան-ը բնութագրում Խոսրով Անձևացուն․-«Նա փոթորկահույզ և առեղծվածային կյանք ու դաժան ճակատագիր է ունեցել՝ զոհ դառնալով անարդարությանը և ժամանակի խարդավանքներին: Այսուհանդերձ, ներքին, հոգևոր ուժականությամբ, հակառակ կրած տառապանքներին, իր անբեկանելի հավատքով մնացել է հաշտության քարոզիչ՝ Աստծու և մարդու հետ։

Նա հոգու և մտքի ներդաշնակ ու սլացիկ ճախրանքով թափանցել է աստվածային հայտնության և ճշմարտությունների մեջ՝ ծանուցելով մարդկանց

Աստուծո կամքն ու երկյուղը, ողորմությունն ու շնորհը, գթությունն ու սերը։»:

 

Բագրատ Սրբազանը Խոսրով Անձևացուն անդրադարձել է դեռևս 1994թ-ից, երբ որպես Ճեմարանի ավարտաճառ կազմել է Խոսրով Անձևացու «Բացայայտութիւն կարգաց եկեղեցւոյ» երկի համեմատական բնագիրը՝ ցանկանալով նաև ներկայացնել Անձևացու կենսագրական գծերը,

աստվածաբանական հայացքները և ուղղափառ դավանությունը:

 

Տարիներ անց՝ 2020 թվականին, Բագրատ Սրբազանը նախաձեռնեց Անձևացուց մեզ հասած բոլոր աշխատությունների աշխարհաբար փոխադրությունը՝ ցանկանալով ամբողջական լույսի ներքո ներկայացնել նրան

և հասանելի դարձնել բոլորին:

 

Սույն աշխատությունը Բագրատ Սրբազանը նվիրում է եր­ջան­կա­հի­շա­տակ

Գա­րե­գին Ա Ա­մե­նայն Հա­յոց Հայ­րա­պե­տի ծննդյան 90-ամ­յա­կին։