ԵԽ Նախարարների կոմիտեի նախագահը կոչ է անում բացել Լաչինի միջանցքը

Իսլանդիայի արտաքին գործերի նախարար և Եվրոպայի խորհրդի Նախարարների
կոմիտեի նախագահ Թորդիս Կոլբրուն Ռեյկֆյորդ Գիլֆադոտիրը հանդես է եկել
հետևյալ հայտարարությամբ.

«Ինձ մտահոգում է Լեռնային Ղարաբաղում ապրող մարդկանց՝ օրեցօր ավելի ու
ավելի անկայուն  դարձող վիճակը՝ Լաչինի միջանցքի մեկամսյա շրջափակման
հետևանքով ։

Կոչ եմ անում պատկան մարմիններին արագ վերականգնել միջանցքով տեղաշարժի
ազատությունը՝ իրավիճակի հետագա վատթարացումից խուսափելու համար։

Ես կոչ եմ անում բոլոր շահագրգիռ կողմերին լուծել իրենց
մտահոգությունները երկխոսության միջոցով և պատրաստ լինել ներդրում
ունենալ այս ուղղությամբ»: