Բացել լրահոսը Փակել լրահոսը
_128232807_mediaitem128232806
A A
Քաղաքականություն

Բրազիլիայի նախկին նախագահ Բոլսոնարոյի կողմնակիցները ներխուժել են երկրի Կոնգրեսի շենք (տեսանյութ)

Բրազիլիայի նախկին նախագահ Ժաիր Բոլսոնարոյի կողմնակիցները ներխուժել են երկրի Ազգային Կոնգրեսի շենք, ոստիկանությունը նրանց դեմ արցունքաբեր գազ է կիրառել։ Հաղորդվում է, որ նրանք մտել են նաև Գերագույն դատարանի շենք և նախագահական պալատ:
 
Բրազիլիայի խորհրդարանի գրոհը տեղի է ունեցել երկրի նոր նախագահ Լուլա դա Սիլվայի երդմնակալությունից մեկ շաբաթ անց։ Բոլսոնարոյի կողմնակից ցուցարարները հրաժարվում են ընդունել ընտրություններում նրա վերջին պարտությունը:
 
Սոցցանցերում տեսանյութեր են տարածվում կառավարական շենքերում, այդ թվում՝ նախագահականում գտնվող ցուցարարների մասին։
 
Մայրաքաղաք Բրազիլիայում բողոքի ցույցի ժամանակ ցուցարարները ճեղքեցին ոստիկանական պատնեշները և կարողացան մտնել խորհրդարանի շենք։ Կոնգրեսի շենքի ապակիներից մի քանիսը կոտրված են.
 
Կոնգրեսի մոտ բողոքի ակցիաները շարունակվում են արդեն մի քանի օր։ Դրանց մասնակիցները բանակին կոչ են անում միջամտել իրավիճակին և պաշտոնանկ անել դա Սիլվային։
 
Նախագահն այս պահին աշխատանքային այցով գտնվում է Սան Պաուլո նահանգ։


Russian