A
A
Արցախի ԱԺ նախագահը հայտարարություն է տարածել
Աջակցիր «Ա1+»-ինԱՀ Ազգային ժողովի նախագահ Արթուր Թովմասյանի հրահանգով ԱԺ պաշտոնական կայքէջից և ֆեյսբուքյան էջից հանվել է Բարձրագույն դատական խորհրդի անդամի թափուր պաշտոնի համար տարածած հայտարարությունը:
Ելնելով այսօրվա՝ դեկտեմբերի 12-ի առավոտյան Ադրբեջանի հրահրած հերթական սադրանքներից՝ միջպետական մայրուղու փակումից, խորհրդարանի ղեկավարը նպատակահարմար չի գտնում հայտարարության տարածումը, չնայած այն բխում է «Ազգային ժողովի կանոնակարգ օրենքի» պահանջներից:
Այս մասին հայտնում է ԱՀ ԱԺ լրատվության և հանրության հետ կապերի բաժինը։
Հիշեցնենք, որ ավելի վաղ ԱԺ նախագահ Արթուր Թովմասյանը հայտարարություն է տարածել։
«Համաձայն «Ազգային ժողովի կանոնակարգ օրենքի» 127-րդ հոդվածի 5-րդ մասի` հայտարարում եմ, որ «Ազատ Հայրենիք-ՔՄԴ» խմբակցությունը Բարձրագույն դատական խորհրդի անդամի թափուր պաշտոնի համար առաջադրել է Արսեն Սամվելի Սառաջյանի թեկնածությունը, որի նշանակումը կկայանա Ազգային ժողովի սույն թվականի դեկտեմբերի 15-ի հերթական նիստում»,-ասված էր հայտարարության մեջ: