Բացել լրահոսը Փակել լրահոսը
Մարուքյան
A A
Քաղաքականություն

Ադրբեջանի ՊՆ-ն ռուս խաղաղապահներին խնդրել է չօգտագործել «Լեռնային Ղարաբաղ» անվանումը

Ադրբեջանի պաշտպանության նախարարությունը Լեռնային Ղարաբաղում տեղակայված ռուս խաղաղապահներին խնդրել է չօգտագործել «Լեռնային Ղարաբաղ» անվանումը։ Այս մասին իր թվիթերյան միկրոբլոգում գրել է ՀՀ հատուկ հանձնարարություններով դեսպան Էդմոն Մարուքյանը։

«Ադրբեջանը պետք է հիշի, որ 2 տարի առաջ Իլհամ Ալիևը հրադադարի մասին եռակողմ համաձայնագիր է ստորագրել, որտեղ «Լեռնային Ղարաբաղ» անվանումը հիշատակվում է 5 անգամ»,– գրել է նա։

Մարուքյանը հիշեցրել է, որ վերոհիշյալը օրինական հիմք է, որպեսզի Ռուսաստանը գործածի «Լեռնային Ղարաբաղ» անվանումը։