A
A
Համեստ արդյունքներ
«Արեւածագի 10 օրեր» տոնակատարության շրջանակում Իրանի Ռաշտ քաղաքում ընթացող շախմատի միջազգային մրցաշարի ավարտից մնացել է մեկ տուր:
Հայաստանի շախմատիստները այս մրցումներում համեստ արդյունքներ են ցույց տալիս, ուստի եւ համեստ տեղեր են զբաղեցնում:
Ուժեղագույների խմբում գրոսմայստեր Գեւորգ Հարությունյանը 8 տուրից հետո վաստակել է 4,5 միավոր եւ ընդանում է 31-րդ հորիզոնականում: Միջազգային վարպետ Արման Հայրապետյանը 3,5 միավորով 47-րդն է:
«Բ» խմբում հանդես եկող Սարգիս Սարգսյանը 5,5 միավորով զբաղեցնում է 21-րդ տեղը: Ռաֆայել Բակունցը մեկ միավոր քիչ է վաստակել եւ գտնվում է 41-րդ հորիզոնականում:
«Դ» խմբի մեր միակ մասնակից Անգելինա Հակոբյանը առայժմ 40-րդն է, որն իր ակտիվում ունի 4 միավոր:
