Ադրբեջանը հենց այնպես դուրս չի գա ՀՀ տարածքներից, պետք է կարողանալ պարտադրել․ Արամ Սարգսյան (տեսանյութ)
Աջակցիր «Ա1+»-ինՌուսաստանը կորցնում է իր վստահությունը Հայաստանի պետական իշխանության նկատմամբ․ այս կարծիքին է Հայաստանի դեմոկրատական կուսակցության նախագահ Արամ Սարգսյանը։
«Եթե մենք պետք է լինենք ռազմավարական դաշնակիցներ, ապա դա պետք է լինեն հուսալի և վստահելի հարաբերություններ»,-նշում է ՀԴԿ նախագահը։
Ըստ Արամ Սարգսյանի՝ Ռուսաստանը հասկանում է, որ եթե Թուրքիան ու Ադրբեջանը միավորվեն, կդառնան ամբողջ պետություն, հետո էլ կգնան ամբողջ Միջին Ասիան․ «Մենք պետք է հասկանանք, թե Ռուսաստանի հետ ինչ կախում ունենք իրարից»։
Անդրադառնալով խաղաղության պայմանագրին՝ Արամ Սարգսյանը նշեց, որ դրա հիման վրա Ադրբեջանը հրաժարվելու է որևէ խաղաղապահ ուժերից, առաջին հերթին ռուսական, ինչն էլ խնդիր է առաջացնելու արցախահայության համար։
ՀԴԿ-ի նախագահը ասաց նաև, որ նույնիսկ խաղաղության պայմանագրի կնքման դեպքում Ադրբեջանը հենց այնպես դուրս չի գալու ՀՀ սուվերեն տարածքներից․ «Պետք է կարողանալ պարտադրել Ադրբեջանին»։
Մանրամասները՝ տեսանյութում։
