Գերիների վերաբերյալ տեսանյութերից հետո պարզապես բառեր չկան․ Իզաբել Սանտյագո/ Ֆրանսիա (տեսանյութ)

 ԵԽԽՎ դահլիճում ֆրանսիացի նորընտիր պատգամավոր  Իզաբել Սանտյագոյի առաջին ելույթը հայ-ադրբեջանական ռազմական լարվածության վերաբերյալ էր։ Նա հուսով է, որ կառույցը կդատապարտի Ադրբեջանի կողմից Հայաստանի դեմ ռազմական գործողությունները եւ համերաշխություն կհայտնի հայ ժողովրդին։

«Մենք պետք է բացենք նաև երկխոսությունը հանուն խաղաղության։ Սահմանների հարցը պետք է նորից դրվի բանակցությունների սեղանին։ Այլևս հնարավոր չէ դիտել մեզ ուղարկվող տեսանյութերը, որոնք անտանելի են՝ անհետացող գերիներ, խոշտանգումներ»,- ասաց նա։