A
A
Հայաստանի մարմնամարզիկները աշխարհի առաջնությանը կպատրաստվեն Թբիլիսիում
Աջակցիր «Ա1+»-ինԱնգլիայի Լիվերպուլ քաղաքում հոկտեմբերի 27-ին կմեկնարկի սպորտային մարմնամարզության աշխարհի առաջնությունը:
Ինչպես տեղեկացնում է Հայաստանի ազգային օլիմպիական կոմիտեի մամուլի ծառայությունը, այդ մրցումներում Հայաստանը հանդես կգա հինգ մարզիկով:
Արթուր Դավթյանը ուժերը կփորձի հենացատկում, Վահագն Դավթյանն ու Արթուր Ավետիսյանը՝ օղակներում, Հարություն Մերդինյանը՝ նժույգթափերում, Գագիկ Խաչիկյանը՝ բազմամարտում:
Նրանք, ինչպես նաև խոստումնալից Համլետ Մանուկյանը, հավաքականի գլխավոր մարզիչ Հակոբ Սերոբյանի ուղեկցությամբ երեկ մեկնել են Թբիլիսի, որտեղ կանցկացնեն 21-օրյա ուսումնամարզական հավաք: Դրա ավարտից հետո մեր ուժեղագույն հնգյակը կմեկնի Լիվերպուլ, իսկ Համլետ Մանուկյանը կվերադառնա Երևան։
