A
A
Հաղթեց միայն Տիգրան Լ. Պետրոսյանը
Մոսկվայում մեկնարկած շախմատի «Աերոֆլոտ օփեն» փառատոնի գլխավոր մրցաշարի առաջին տուրում մեր շախմատիստներից առավել հաջող ելույթ ունեցավ գրոսմայստեր Տիգրան Լ. Պետրոսյանը: Նա սպիտակ խաղաքարերով պարտության մատնեց ռուսաստանցի Նիկիտա Վիտյուկովին: Սերգեյ Մովսիսյանը հաշտություն կնքեց չինացի Յանգյի Յուի, իսկ Ավետիք Գրիգորյանը` մոլդովացի Վիկտոր Բոլոգանի հետ:
Երկրորդ տուրում Տիգրան Լ. Պետրոսյանը սև խաղաքարերով կմրցի ռուսաստանցի Միխայիլ Կովիլայի, Սերգեյ Մովսիսյանը` Դմիտրի Բոշարովի հետ, իսկ Ավետիք Գրիգորյանի մրցակիցը կլինի Իսրայելի ներկայացուցիչ Էմիլ Սուտովսկին:
Նշենք, որ մրցաշարին մասնակցող բրազիլահայ գրոսմայստեր Գրիգոր-Սեւակ Մխիթարյանը առաջին տուրում ոչ-ոքի խաղաց ռուսաստանցի Ալեքսանդր Խալիֆմանի հետ:
