A
A
Ցանկանում են ընդլայնել Քաթարում միջազգային միջոցառումներին ՀՀ բարձրաստիճան պատվիրակությունների մասնակցությունը
Աջակցիր «Ա1+»-ինՍույն թվականի սեպտեմբերի 21-ին Կատարի Պետությունում ՀՀ դեսպան Արմեն Սարգսյանը հանդիպել է Կատարի Պետության ԱԳՆ համաժողովների կազմակերպման մշտական կոմիտեի գործադիր տնօրեն Մուբարաք Աջլան Ալ-Քուարիի հետ՝ հայտնում են այդ երկրում ՀՀ դեսպանությունից։
Կողմերը քննարկել են Կատարում իրականացվող միջազգային միջոցառումներին ՀՀ բարձրաստիճան պատվիրակությունների առավել համակարգված և լայն մասնակցությանը վերաբերող հարցեր։
Օգտվելով առիթից պարոն Ալ-Քուարին շնորհավորել է դեսպան Սարգսյանին ՀՀ Անկախության օրվա կապակցությամբ։
Իր հերթին Կատարում ՀՀ դեսպանն անդրադարձել է ՀՀ ինքնիշխան տարածքի նկատմամբ ադրբեջանական ագրեսիային, վերջին ռազմաքաղաքական զարգացումներին, ինչպես նաև Հայ-ադրբեջանական սահմանին տիրող ներկա իրադրությանը։
