Մրցակցությունը մեծ է, բայց գինեգործները մրցակից չեն. Դիլիջանում Wine fest անցկացվեց (տեսանյութ)
Աջակցիր «Ա1+»-ին«Dilijan Wine Fest» գինու փառատոնին, որն անցկացվում էր Հայաստանի Խաղողագործության ու գինեգործության Հիմնադրամի աջակցությամբ, մասնակցեցին ավելի քան 30 գինեգործարաններ։
«Վերջին տարիներին գինեգործներն առողջ մրցակցության մեջ են, բայց մրցակից չեն», – վստահեցրեց Հայաստանի Ազգային ժողովի նախկին պատգամավոր Թևան Պողոսյանը, ով փառատոնին որպես գինեգործ ներկայացնում էր իր ստեղծած «Մունք» գինին։
«Ա1+»-ի հետ զրույցում նա պատմեց, թե ինչպես հոբբին 44-օրյա պատերազմից հետո վերածվեց լուրջ գործի ու նռնենի, խնդողնի ու արենի խաղողի տեսակների խառնուրդն, իր պատկերացմամբ, խորհրդանշում է Հայաստան, Արցախ ու Սփյուռք միասնությունը։
«Պապս, երբ Արևմտյան Հայաստանից գաղթեց ու հաստատվեց ներկայիս Բամբակաշատ գյուղի տարածքում, առաջին հերթին գետնափոր մառան հիմնեց ու գինու հնձան, պատրաստեց սեփական գինին և մեր տանը գինին անպակաս էր։ Սա էլ հիմքն էր, որ ես ընտրեմ գինեգործի մասնագիտությունը»,– ասում է «Ջրաղացպանյան վայների» ընկերության հիմնադիր Արտեմ Ջրաղացպանյանը։
Գինեգործը վստահ է, որ հայկական գինին չի կարող մրցել քանակով, և կարևոր է որակը պահել ու որակի մեջ էլ բազմազանություն ապահովել, այլապես արտասահմանցի սպառողը կնախնտրի ծանոթ բրենդը գնել։
Մանրամասները ՝տեսանյութում