A
A
Բռնցքամարտի ԵԱ. Հայաստանը 3 մասնակից ունի եզրափակիչում
Աջակցիր «Ա1+»-ինԿարեն Դեմիրճյանի անվան մարզահամերգային համալիրում ընթացող բռնցքամարտի Եվրոպայի տղամարդկանց առաջնությունում այսօր կկայանան եզրափակիչ մարտերը:
Հայաստանից հանդես կգան երեք հոգի: Առաջինն ոսկե մեդալի համար կպայքարի 57 կգ քաշային Արթուր Բազեյանը, որը կմրցի Բելգիայի ներկայացուցիչ Վասիլի Ուստուրովի հետ:
Հետո հանդես կգա Եվրոպայի կրկնակի չեմպիոն 63,5 կգ քաշային Հովհաննես Բաչկովը, ում մրցակիցը ֆրանսիացի Լունես Համրուին է: Վերջինը ռինգ կմտնի 86 կգ քաշային Ռաֆայել Հովհաննիսյանը, որն ուժերը կչափի վրացի Գեորգի Կուշնաշվիլու հետ:
Եզրափակիչ է մտել նաև Վրաստանը ներկայացնող հայազգի բռնցքամարտիկ Արտուշ Գոմցյանը, որը 60 կգ քաշային կարգում կմրցի իսպանացի Խոսե Կիլեսի հետ:
Եզրափակիչ մրցամարտերը կմեկնարկեն ժամը 17:00-ին: