Մի ոտքը՝ դպրոցում, մյուսը՝ բանակում. Որտե՞ղ է կտրվում բարեփոխման թելը (տեսանյութ)
Աջակցիր «Ա1+»-ինԳրականագետ, բացմաթիվ դասագրքերի հեղինակ Դավիթ Գասպարյանն, ով երկու տասնամյակից ավելի աշխատել է Կրթության ազգային ինստիտուտում, մի շարք ակադեմիական հաստատություններում, կրթական ոլորտում բազմաթիվ խնդիրներ է տեսնում։
Հայաստանի կրթության համակարգը 1991 թվականից սկսված ենթարկվել է փոփոխությունների։ 10-ամյա դպրոցական կրթությունից անցում է կատարվել 12-ամյայի, որը ներկայումս պարտադիր է։ Մինչև 2017 թվականը պարտադիր էր համարվում 9-ամյա կրթությունը։ Դավիթ Գասպարյանն առաջարկում է վերադառնալ 10-ամյա կրթությանը։
ԿԳՄՍ Նախարարի տեղակալ Ժաննա Անդրեասյանը չի ժխտում, թե այստեղ խնդիրներ չկան, բայց վստահ է ՝ եթե հանրակրթության չափորոշիչների փոփոխությունների համակարգն ամբողջությամբ գործի, կդադարեն քննարկել 10-ամյա կրթության վերադարձի հարցը։ Այս գործընթացում նախատեսվում է նաեւ դասագրքերի փոփոխություն։
Կրթական ոլորտում խնդիրները շաղկապված են․ դժվար է ասել՝ դրանք դպրոցից բուհ են ձգվում, թե հակառակը։
Դավիթ Գասպարյանը նկատում է, որ վերջին տարիներին բուհ ընդունվելու գործընթացը շատ է հեշտացել։
Այս հարցում ուսանողների տեսակետը կիսվում է։
Տարեց տարի նվազում է բուհ ընդունվողների, հատկապես բնագիտական ֆակուլտետներ դիմողների թիվը։
Այս տարի վերջին զանգը կհնչի 21 000 շրջանավարտների համար, որոնցից ուսանող դառնալու հայտ է ներկայացրել ընդամենը 13 574-ը։ Համեմատության համար ասենք, որ 2009թ.-ին ընդունելության քննություններին մասնակցել է 19 500 դիմորդ