A
A
«Արարատ-Արմենիան» շարունակում է առաջատարի հետապնդումը
Աջակցիր «Ա1+»-ինՀայաստանի ֆուտբոլի Պրեմիեր լիգայում այսօր կայացավ 33-րդ տուրի առաջին խաղը:
Աղյուսակի երկրորդ հորիզոնականում ընթացող «Արարատ-Արմենիան» սեփական դաշտում ընդունեց Չարենցավանի «Վանին» և հաղթեց 1:0 հաշվով: Միակ գոլը 70-րդ րոպեին խփեց ուկրաինացի կիսապաշտպան Սերգեյ Վակուլենկոն:
«Արարատ-Արմենիան» այս հաղթանակից հետո վաստակեց 68 միավոր և շարունակում է հետապնդել միանձնյա առաջատար «Փյունիկին», որն իր ակտիվում ունի 70 միավոր և մեկ բաց թողած հանդիպում:
«Վանը» վաստակած 19 միավորով շարունակում է զբաղեցնել նախավերջին` 8-րդ տեղը: Թիմը վերջին անգամ հաղթանակ է տարել մարտի 20-ին, հենց «Արարատ-Արմենիայի» հետ խաղում` 2:1: