Հայտնի են Հայաստանի բռնցքամարտիկների առաջին մրցակիցները

Ստամբուլում այսօր կմեկնարկի բռնցքամարտի աշխարհի կանանց առաջնությունը, որին հայտավորվել են Հայաստանի չորս ներկայացուցիչ։

Մերոնցից այսօր ռինգ կմտնի միայն 70 կգ քաշային Անի Հովսեփյանը, որն 1/16 եզրափակիչում ուժերը կչափի ուկրաինուհի Մարիա Սեդայայի հետ։

Մայիսի 10-ին երեկոյան Գայանե Տեր-Բարսեղյանը (48 կգ) կհանդիպի լեհ Նատալյա Ռոկի հետ։ Մայիսի 12-ի առավոտյան մրցահերթում Անուշ Գրիգորյանը (50 կգ) կմրցի ֆինն մարզուհի Պիհլա Կայվո-Օլայի հետ, իսկ երեկոյան Հայաստանը ներկայացնող ռուսաստանցի Եկատերինա Սիչևան (54 կգ) կմենամարտի ուկրաինուհի Սվետլանա Ումանսկայի հետ։