A
A
Անկախ ամեն ինչից, մեզ համար մերժելի է, անընդունելի է․ Դավիթ Բաբայան (տեսանյութ)
Աջակցիր «Ա1+»-ինԱյսօր հերթական լիագումար նիստն է գումարել Արցախի խորհրդարանը: Լիագումար նիստի օրակարգում նաև օրենսդիր-գործադիր հարցուպատասխան էր նախատեսված:
Կրթությունից մինչև քաղաքաշինություն, ֆինանսներ և ոչ միայն:
Կառավարության անդամները խոստովանում են՝ շատ դեպքերում ծրագրերն օբյեկտիվ պատճառներով են դանդաղ ընթանում:
Այս մասին Արցախի խորհրդարանում ասել է Արցախի արտգործնախարար Դավիթ Բաբայանը:
Նա վերահաստատել է պաշտոնական Ստեփանակերտի դիրքորոշումը՝ շարունակել անկախության ճանապարհը:հավելել է, որ հիմնախնդիրը լուծելու մանդատ ունի միայն ԵԱՀԿ Մինսկի Խումբը:
ԱՀ ԱԳ նախարարի խոսքով՝ Հայաստան-Ադրբեջան սահմանագծում և սահմանազատումը չի տարածվում Արցախի վրա:
Իր հերթին Արցախի ԱԺ նախագահ Արթուր Թովմասյանն էլ նշել է, որ Արցախի կարգավիճակի հարցը ԵԱՀԿ Մինսկի խմբի մանդատին է տրված:
«ԵԱՀԿ ՄԽ մանդատին հավանություն են տվել պաշտոնական Բաքուն, Երևանը և Ստեփանակերտը: Առայժմ ոչ էլ Բաքուն է հրաժարվել ԵԱՀԿ ՄԽ-ից, եթե ասում են՝ Արցախի հարցը լուծել են, թող գրեն, որ դուրս են գալիս այդ ֆորմատից»,-ասել է նա:
«Պարզապես անընդունելի է, մերժելի է` Ադրբեջանի հետ Արցախը որևէ առնչություն ունենա որպես մեկ ընդհանուր պետություն, առավել ևս` ինչ-որ ստորադասային կարգավիճակով: Մենք չենք լինելու Ադրբեջանի կազմում, մենք շարունակելու ենք դե ֆակտո լինել անկախ պետություն, նորմալ պետք է զարգացնենք մեր երկիրը»,-հավելել է Դավիթ Բաբայանը:
Արցախի հանրայինի ռեպորտաժը