Հայաստանում կկայանա թիավարության միջազգային մրցաշար

Թիավարության Հայաստանի ներկայացուցիչներն այս տարի կմասնակցեն բազմաթիվ միջազգային մրցաշարերի։ Այդ մասին Հայաստանի ազգային օլիմպիական կոմիտեի պաշտոնական կայքին տեղեկացրել է թիավարության օլիմպիական  մանկապատանեկան մարզադպրոցի տնօրեն Մելիք Սանդրոսյանը։

Հայաստանի մարզիկները մայիսի 18–19-ը Իտալիայի Սաբաուդա քաղաքում կմասնակցեն Եվրոպայի պատանեկան առաջնությանը։ Մեր պատվիրակներն այնուհետև հանդես կգան ևս երկու միջազգային մրցաշարերում, մեկը Մոսկվայում, հունիսին, իսկ երկրորդ մրցաշարի վայրը դեռ անհայտ է:

Մեր երկրի չորս թիավարներ հուլիսի 28–31–ը Հունգարիայի Ցեգետ քաղաքում կմասնակցեն մինչև 23 տարեկանների աշխարհի առաջնությանը:

Մեր մարզիկները սեպտեմբերին և հոկտեմբերին հանդես կգան նաև Բաթումում և Մցխեթում անցկացվող ավանդաբար միջազգային մրցաշարերում:

Այս տարի հունիսին Երևանում կանցկացվի «Լիոնի  գավաթ» անվանումը կրող միջազգային մրցաշար։ Մասնակիցներն  իրենց հարաբերությունները կորոշեն Վարդավառի այգու լճում:

Ջրուղիներում պայքարի կբռնվեն բայդարկա և կանոէ  մարզաձևերի ներկայացուցիչները: Նրանք կմրցեն 200մ և 2000մ տարածություններում: Նախնական հայտերին առայժմ արձագանքել են  Վրաստանի, Իրանի և Ռուսաստանի ներկայացուցիչները:

Հայաստանում ընդհանուր առմամբ կանցկացվի թիավարության 6 մրցաշար։