Էջմիածնում տուն է այրվել. ներսում մոխրացած դի են հայտնաբերել. shamshyan.com
Աջակցիր «Ա1+»-ինԱյսօր՝ ապրիլի 16-ին, ողբերգական դեպք է տեղի ունեցել Արմավիրի մարզում: Ըստ shamshyan.com-ի՝ ժամը 20:00-ի սահմաններում, Արտակարգ իրավիճակների նախարարության Փրկարար ծառայության 911 ճգնաժամային կառավարման կենտրոն ահազանգ է ստացվել, որ Էջմիածին քաղաքի Չարենցի 2-րդ թաղամասում տնակ է այրվում:
Հրշեջ-փրկարարները նախ կանխել են երկաթե տնակում առաջացած կրակի տարածումը, ապա մարել այն:
Տնակը ամբողջովին վերածվել է մոխրակույտի և հրշեջները ներսում հայտնաբերել են 1 դի ու արդեն 1 ժամ է, հրշեջները ներսում կատարում են հետախուզական աշխատանքներ, քանի որ կան տեղեկություններ, որ հնարավոր է, որ ներսում ևս 1 հոգի լինի, քանի որ Վաղարշապատի բաժնի պետի օպերգծով պետի տեղակալ Ա. Ֆիշյանը տեղեկություններ է ստացել, որ նշված տնակում 2 հոգի են բնակվել: Ոստիկանությունն ու քննչական բաժնի պարզում են տնակի սեփականատիրոջ ինքնությունը: Իսկ քիչ առաջ ոստիկանության Վաղարշապատի ոստիկանության քրեական հետախուզության բաժանմունքի պետի տեղակալ Ալբերտ Ավագյանը պարզել է, որ նշված տնակում բնակվել են 67-ամյա Սարգիս Հովհաննիսյանը և 89-ամյա Կատերինա Սարգսյանը: Մանրամասները՝ սկզբնաղբյուրում:
