Նշաձողն իջեցնելով՝ հայանպաստ լուծումը կադառնա ավելի հավանական․ Էդուարդ Աղաջանյան (տեսանյութ)
Աջակցիր «Ա1+»-ինՆերողություն, իսկ վարչապետի ելույթում որևէ բառ Ադրբեջանի կազմում կամ կազմից դուրս, ընդհանրապես դրան առնչվող ձևակերպում եղե՞լ է։ Խորհրդարանական ճեպազրույցների ժամանակ այսպես արձագանքեց իրեն ուղղված հարցին ԱԺ արտաքին հարաբերությունների հանձնաժողովի նախագահ, ՔՊ-ական Էդուարդ Աղաջանյանը։
Լրագրողը նշեց, որ երեկ Արցախի ԱԺ-ն հստակ արտահայտեց իր կամքը, ըստ որի՝ Արցախը երբեք չի լինելու Ադրբեջանի կազմում, մինչդեռ Հայաստանի խորհրդարանում հնչում են այլ տեսակետներ։ Լրագրողը նաև հիշեցրեց վարչապետի այն թեզը՝ ըստ որի հարցը լուծվելու է Արցախի, Ադրբեջանի և Հայաստանի ժողովուրդների կամքի համաձայն։
Էդուարդ Աղաջանյանը նշեց․ «Արցախահայության թիկունքում որևէ գործընթաց չկա և չի կարող լինել։ Բնական է, որ այս գործընթացի կարևորագույն շահառուն հենց Արցախի ժողովուրդն է»։
Ըստ Աղաջանյանի՝ Արցախում լավ չեն հասկացել վարչապետի ելույթի բովանդակությունը։
«Այս գործընթացը միտված է հենց արցախցիների, արցախահայության իրավունքների պաշտպանությանը և դրանց իրացմանը»,- նշեց նա։
Անդրադառնալով վարչապետի՝ Արցախի կարգավիճակի հարցում հայկական կողմի նշաձողն իջեցնելու հայտարարությանը՝ Աղաջանյանը դա բացատրեց նրանով, որ պետք է դրանք գնալ Հայաստանի շուրջ լայն կոնսոլիդացիա ապահովելու համար։
Աղաջանյանի խոսքերով՝ դրա արդյունքում հայանպաստ լուծումը կդառնա առավել հավանական։
