![a1+gimanstika 6.04. (1) a1+gimanstika 6.04. (1)](/static/articles/42/86/97/l-l71cBcMdho.jpg)
Հայաստանի մարմնամարզիկները՝ աշխարհի գավաթակիրներ
Աջակցիր «Ա1+»-ինՄարմնամարզության միջազգային ֆեդերացիան ամփոփել է սպորտային մարմնամարզության աշխարհի գավաթի խաղարկության արդյունքները:
Չորս փուլերի արդյունքներով Հայաստանի առաջատար մարմնամարզիկ Արթուր Դավթյանը հաղթող է ճանաչվել հենացատկում՝ վաստակելով 90 վարկանիշային միավոր։ Հիշեցնենք, որ նա առաջին տեղն էր գրավել Կոտբուսի, Դոհայի և Կահիրեի գավաթի խաղարկություններում։
Օղակների վրա վարժությունում 85 միավորով առաջին տեղը զբաղեցրել է մեր Վահագն Դավթյանը: Նրա թիմակից Արթուր Ավետիսյանը 53 միավորով գրավել է 3-րդ տեղը։
Նժույգթափերում հանդես եկած Հարություն Մերդինյանը երկու փուլերի արդյունքներով վաստակել է 45 միավոր և զբաղեցրել 5-րդ տեղը։ Միավորների միջին հաշվարկով նա ետ է մնացել միայն իռլանդացի Ռիս Մաք-Քլինեգհանից։ Նույն մրցումներին մասնակցած Գագիկ Խաչիկյանը զբաղեցրել է 23-րդ, իսկ Արթուր Դավթյանը՝ 29-րդ տեղը։
Հավելենք, որ Հայաստանի հավաքականը չի մասնակցել Բաքվում անցկացված վերջին ՝ չորրորդ փուլին։