Աբգար Բուդաղյանի ճեպազրույցը․ ՈՒՂԻՂ (տեսանյութ)
Աջակցիր «Ա1+»-ինՄենք աջակցում ենք ՀՀ կառավարությանը իրականացնել բարեփոխումներ էներգետիկայի ոլորտում։
Այս մասին այsօր լրագրողների հետ ճեպազրույցում ասաց ԱՄՆ Միջազգային զարգացման գործակալության էներգետիկայի ծրագրի աշխատանքների ղեկավարի տեղակալ Աբգար Բուդաղյանը` նշելով, որ երեք ուղղությամբ են աշխատում գործադիրի հետ։
«Առաջինը՝ էլեկտրաէներգետիկական շուկայի ազատականացումն է, երկրորդը էներգամատակարարման դիվերսիֆիկացումն է և երրորդը Վրաստանի հետ միջպետական առևտրի զարգացումը»,- ասաց Աբգար Բուդաղյանը։
Ըստ Բուդաղյանի՝ այսօր Հայաստանում ընթացող էներգետիկական շուկայի բարեփոխումները 2004 թվականից սկսած առաջին խոշոր բարեփոխումներն են, որը հնարավարություն է ընձեռել գործընկերներին՝ փոխել էլեկտրաէներգետիկական շուկայի կառուցվածը և վերացնել էլեկտրաէներգիայի վաճառքի մենաշնորհը։
«Մենք արդեն ունենք շուկայում գործող այլընտրանքային մատակարարներ, որոնք իրենց ծառայություններն են առաջարկելու մեր սպառողներին և առաջիկայում առանց ՀԷՑ-ի էլեկտրաէներգիայի վաճառքի համար»,- ասաց Աբգար Բուդաղյանը։
ԱՄՆ Միջազգային զարգացման գործակալության էներգետիկայի ծրագրի աշխատանքների ղեկավարի տեղակալը հայտնեց, որ դրանք կոմերցիոն կառույցներ են՝ թվով 6 ընկերություններ լիցենզիա է ստացել և իրենք իրենց մուտքի մասին դեպի շուկա կազդարարեն և ժամանակի ընթացքում կառաջարկեն իրենց պրոդուկտները։
«Շուկան գործարկվել է 2022 թվականի փետրվարի 1-ից, և այս առումով կարծում եմ դեռ նոր մասնակիցները դիտարկում են շուկայում ինչ հնարավորություններ կան, և ինչ մարտահրավերներ կան, որպեսզի կարողանան սպառողներին ներկայացնել ավելի շահավետ առաջարկ»,- ասաց Աբգար Բուդաղյանը։