Բացել լրահոսը Փակել լրահոսը
A A
Հասարակություն

Արցախից տեղահանվածների ակցիան՝ կապված Խրամորթի ուղղությամբ կրարոցների հետ․ ՈՒՂԻՂ (տեսանյութ)

Երևանում բնակություն հաստատած Արցախից տեղահանված մեր հայրենակիցները կրկին խաղաղ ակցիա էին անցկացնում Հանրապետության Հրապարակում՝ օրվա իշխանությունների և միջազգային կառույցների ուշադրությունը հրավիրելու վերջին օրերին ադրբեջանական կողմի ագրեսիվ գործողություններին։

Ակցիայի մասնակիցների խոսքով՝ այս կերպ նաև իրենք բարոյահոգեբանական աջակցություն են փորձում ցուցաբերել այսօր Արցախում ապրողներին, որ նրանք միայնակ չեն։

«Ա1+»-ի հետ զրույցում ակցիայի մասնակիցները տեղեկացրին, որ ադրբեջանցիները կրակում են Արցախի գյուղերի ուղղությամբ և, դեռ չճշտված տեղեկություններով, ադրբեջանցիները կրակել են գյուղերից մեկի դպրոցի վրա։

 

Արցախից տեղահանվածները Հայաստանի իշխանություններին մեղադրում են անգործության և ներկա իրողությունների պարագայում լռելու, չարձագանքելու մեջ։ Նրանց վստահեցնում են, որ արցախցին կապիտուլացիայի չի ենթարկվել, արցախցին ապրում է և շարունակելու է ապրել։

 

Նրանք անդրադարձան նաև Ադրբեջանի կողմից գազատարի վրա կրակելու հանգամանքին, նշելով՝ շուրջ 120 հազար արցախցիներ մնացել են առանց գազի։ Եվ հաշվի առնելով եղանակային պայմանները այսօր առավել քան երբևէ կարևոր անհրաժեշտություն է գազամատակարարումը։

 

Ակցիայի մասնակիցները մեղադրանքներ հնչեցրեցին նաև ՀՀ ՄԻՊ-ի վրա, թե համարեժեք գնահատականներ չի հնչեցվում։

 

Հիշեցնենք՝ ռուս-ուկրաինական պատերազմի ֆոնին ադրբեջանական կողմը մի քանի օր է՝ խախտում է հրադադարի ռեժիմը՝ կրակելով անգամ խաղաղ բնակավայրերի վրա, կրակելով կենսական նշանակություն ունեցող Արցախ գնացող գազի խողովակաշարի վրա։

Մանրամասները՝ տեսանյութում։





 
Russian