Ռուսաստանի գործն արդար է և մենք կանգնած ենք Ռուսաստանի կողքին․ ակցիայի մասնակից (տեսանյութ)

Հայաստանի հականացիստական ճակատի ներկայացուցիչները ՀՀ-ում ԱՄՆ դեսպանատան մոտակայքում՝ Ծովակալ Իսակովի արձանի մոտից բողոքի ակցիա էին իրականացնում ի պաշտպանություն Ռուսաստանի։

Ակցիայի մասնակիցներից Հայկ Այվազյանն իր խոսքում նշեց, որ արդեն 30 տարի է՝ ականատես են լինում ամենաթողությանը, որ ԱՄՆ-ը և իրենց դաշնակիցներն իրականացնում են ամբողջ աշխարհում։

«30 տարի նրանք փորձում են աշխարհի ժողովուրդների վզին փաթաթել և պարտադրել աշխարհի իրենց տեսլականն ու արժեքները՝ իրականում չարժեքները և այսպես կոչված դեմոկրատիան։ Իսկ այն ժողովուրդներն ու երկրները, որոնք համաձայն չէին դրա հետ, ովքեր դիմադրում էին, կամ նրանք , ովքեր այլևս պետք չէին Արևմուտքին, ենթարկվում էին ագրեսիայի»,-ասաց Հայկ Այվազյանը՝ օրինակ բերելով Հարավսլավիան, Իրաքը, Լիբիան, Սիրիան նշելով՝ «հարյուրհազարավոր մարդիկ էին զոհվում ՆԱՏՕ-ի ագրեսիայի հետևանքով՝ այդ թվում և երեխաներ»։

Ըստ ակցյաի մասնակիցների Միացյալ նահանգները փորձեցին տարբեր երկրներում արյունալի պետական հեղաշրջումներ իրականացնել։

«Նման պետական հեղաշրջում տեղի ունեցավ 2014 թվականին ՈՒկրաինայում, երբ Միացյալ նահանգները կազմակերպեցին և իրականացրեցին այդ հեղաշրջումը, և իշխանության բերեցին նացիստական ռեժիմին, որը ութ տարի շարունակ ցեղասպանության էր ենթարկում Դոնբասի ռուսալեզու ժողովրդին»,- ասաց Հայկ Այվազյանը՝ պատմելով, թե ինչպես էր ՆԱՏՕ-ն այդ տարիներին զինում Կիևի նացիստական ռեժիմին՝ նախապատրաստելով օգնել այդ ռեժիմին, որպեսզի նրանք ձեռք բերեն միջուկային զենք։

Մանրամասները՝ տեսանյութում։