Պաշտոնակն Կիեւն ի՞նչ քայլեր է ակնկալում Հայաստանի Հանրապետությունից ստեղծված իրավիճակում` նկատի ունենալով, որ Հայաստանը Ռուսաստանի Դաշնության ռազմավարական դաշնակիցն է։

 Ուկրաինայի գործերի ժամանակավոր հավատարմատար Դենիս Ավտոնոմովը Ա1+-ի հարցին այսպես պատասխանեց․

«Հայաստանը հիմա չի արտահայտում իր դիրքորոշումը։ Այդուհանդերձ, երեկ` ՄԱԿ-ի մարդու իրավունքների խորհրդի նիստի ժամանակ, քննարկվում էր Ուկրաինայում ստեղծված իրավիճակի հարցը Ժնևում կայանալիք 49-րդ նստաշրջանի օրակարգում ընդգրկելու հարցը։ Քվեարկության արդյունքներով 47 անդամներից կողմ է քվեարկել 29 երկիր, ձեռնպահ` 13-ը, այդ թվում Հայաստանը, դեմ են քվեարկել Ռուսաստանը, Չինաստանը, Վենեսուելան, Կուբան և Էրիթրեան։ Սա առաջին դեպքն է վերջին տարիներին, երբ Հայաստանը չի աջակցում Ռուսաստանի դիրքորոշմանը։ Կարծում ենք, որ սա լավ ազդակ է և հույս ունենք, որ այսպիսի դիրքորոշումը գոնե կշարունակվի», - ասաց Դենիս Ավտոնոմովը:

Հարցին, թե Զելենսկին մի քանի օր առաջ համարում էր, որ Ուկրաինան մենակ է մնացել, արդյոք դա այդպես է, դեսպանն պատասխանեց․ «Մտածում եմ՝ դա էմոցիոնալ խոսք է եղել, հիմա օգնություն կա իրական, ամեն օր։ Եվրամիությունը առաջին անգամ իր պատմության մեջ ֆինանսավորում է ռազմական գործողության համար 450 մլն եվրո»։

Դեսպանը նշեց նաև, որ որոշ Ուկրաինայի քաղաքացիներ Հայաստանում են և իրենք օգնում են նրանց և համագործակցում են ՄԱԿ-ի հետ՝ փախստականների գծով։ Դեսպանը նշեց, որ այդ քաղաքացիների մեծ մասը հենց հայ են։

Վերջում դեսպանն ավելացրեց, որ իրենց համար հաղթանակը կլինի Ուկրաինայի տարածքի վերականգնումը ներառյալ Ղրիմն, Դոնբասն ու Լուգանսկը։

Մանրամասները՝ տեսանյութում